Box Office Par ‘Dhurandhar’ Ka Toofan, 7th Week Me Stree 2 Ka Record Toota, ₹900 Cr Par Nazar

 Box Office Par ‘Dhurandhar’ Ka Toofan, 7th Week Me Stree 2 Ka Record Toota, ₹900 Cr Par Nazar

Photo by sunny Article by Sunny

Ranveer Singh ki spy thriller ‘Dhurandhar’ release ke baad se hi box office par rukne ka naam nahi le rahi. Film sirf bade records hi nahi tod rahi, balki har chhota milestone bhi apne naam kar rahi hai. Ab ‘Dhurandhar’ ne 7th week me Stree 2 ka record bhi tod diya hai, jo industry ke liye ek bada signal maana ja raha hai. Multiple new releases ke bawajood, film ki strong hold ne sabko hairaan kar diya hai. Ab sabse bada sawal ye hai — kya ‘Dhurandhar’ ₹900 crore club me entry karegi?

 7th Week Me Bhi Strong Hold

6 hafte complete karne ke baad bhi Dhurandhar ka craze kam nahi hua. Film ne apne 7th Sunday ko ₹4.25 crore ka collection kiya.

Iske saath hi:

• India total: ₹879.75 crore
• Worldwide total: ₹1,328.23 crore

Ye numbers clearly dikhate hain ki audience ka support abhi bhi film ke saath bana hua hai.

 Stree 2 Ka Record Bhi Toota

Aditya Dhar ke direction me bani is film ne 7th week ke collection ke mamle me ‘Stree 2’ ko bhi peeche chhod diya. Ye achievement tab aur special ho jaati hai jab market me ek saath kai new films release hui hain.

Week-Wise Collection Breakdown

Jio Studios ke official figures ke according, Dhurandhar Box Office Collection kuch is tarah raha:

• Week 1: ₹218 crore
• Week 2: ₹261.5 crore
• Week 3: ₹189.3 crore
• Week 4: ₹115.70 crore
• Week 5: ₹56.35 crore
• Week 6: ₹28.95 crore

Har week ke saath drop zaroor aaya, lekin film ka overall momentum strong bana raha.

 Trade Update Kya Keh Raha Hai?

Trade experts ke mutabik, film ne multiple releases ke bawajood apni position hold ki hai. Industry tracking handle ne update share karte hue kaha:

“Dhurandhar abhi bhi unstoppable hai. New releases jaise #HappyPatel ke aane ke baad bhi film apni jagah banaye hue hai. Ab film ka next target ₹900 crore milestone hai.”

 Border 2 Se Hogi Asli Takkar?

Is Friday ‘Border 2’ release hone wali hai, jo box office dynamics ko change kar sakti hai. Ab dekhna ye hoga ki Dhurandhar Border 2 ke release se pehle ya baad ₹900 crore ka magic figure touch kar paati hai ya nahi.

 Aage Kya?

Agar film isi tarah steady collections karti rahi, to ₹900 crore club door nahi lagta. Ranveer Singh career me ye film already biggest box office successes me count ho chuki hai.