Rohit Shetty House Firing: Mumbai Juhu Mein Director Ke Ghar Ke Bahar 4 Round Fire, Security High Alert

Photo - Rohit Sheety 

Mumbai ke Juhu area se aayi ek shocking news ne Bollywood aur fans dono ko hila kar rakh diya hai. Famous film director Rohit Shetty ke ghar ke bahar raat ke andhere mein achanak 4 round firing ki gayi. Ye ghatna Saturday raat lagbhag 3 baje hui, jab log gehri neend mein the. Firing ki awaaz se poora area alert ho gaya aur turant police ko inform kiya gaya. Rohit Shetty, jo apni action-packed films ke liye jaane jaate hain, unke ghar ke bahar aisi incident hona security ko lekar bade sawal khade karta hai. Mumbai Police aur forensic team turant spot par pahunchi aur investigation shuru kar di. Ab is case ko har angle se dekha ja raha hai.

Kya Hai Pura Mamla?

Police ke according, unknown attackers ne Rohit Shetty ke Juhu residence ke paas 4 rounds fire kiye aur phir wahan se farar ho gaye. Ganiamat ye rahi ki is incident mein kisi ke injured hone ki khabar nahi hai. Firing ke baad area mein security badha di gayi hai, kyunki Rohit Shetty ke ghar ke aas-paas kai aur Bollywood celebrities bhi rehte hain.

Forensic science aur ballistics experts ki team ne spot par pahunch kar evidence collect kiya hai. Khokhe (empty cartridges) aur baaki technical clues ko examine kiya ja raha hai, taaki attackers tak pahunchne ka rasta mil sake.

Police Action: 4 Log हिरासत में

Sunday dopahar Mumbai Police ne bataya ki is case mein Pune ke Karvenagar aur Dhayari area se 4 logon ko हिरासत mein liya gaya hai. Ab unse poochtaach chal rahi hai aur police dekh rahi hai ki inka is firing se direct ya indirect connection hai ya nahi. Abhi tak kisi ne is attack ki responsibility claim nahi ki hai, aur na hi attack ka exact motive clear ho paaya hai.

Bollywood Mein Pehle Bhi Ho Chuki Hain Aisi Ghatnayein

Ye pehli baar nahi hai jab Bollywood celebrities ko target kiya gaya ho.

• Kapil Sharma ke Canada wale cafe par 3 baar firing ho chuki hai — July, August aur October mein. Us case mein Lawrence gang ne responsibility li thi.
• Salman Khan ko bhi jaan se maarne ki dhamki mil chuki hai. 14 April 2025 ko unki car ko bomb se udaane ki threat WhatsApp par bheji gayi thi. Isse ek saal pehle, 14 April 2024 ko, unke Galaxy Apartment par firing bhi hui thi, jiska blame bhi Lawrence gang par aaya tha.

In sab incidents ke baad security agencies already alert mode par thi, aur ab Rohit Shetty house firing ke baad concern aur bhi badh gaya hai.

Rohit Shetty Aur Fans Ki Safety Par Focus

Rohit Shetty Bollywood ke sabse bade commercial directors mein se ek hain. Unki films jaise Singham, Simmba, Golmaal aur Sooryavanshi massive hit rahi hain. Aise mein unke ghar ke bahar firing hona na sirf unke liye, balki fans aur industry ke liye bhi tension ki baat hai.

Police ka kehna hai ki case ko high priority par investigate kiya ja raha hai. CCTV footage, mobile records aur technical evidence ke through attackers tak pahunchne ki koshish ho rahi hai.

Ab Aage Kya?

Filhaal Juhu area mein extra security force deploy kar di gayi hai. Rohit Shetty aur unke parivaar ki safety ko lekar bhi special arrangements kiye ja rahe hain. Police ne clear kaha hai ki jab tak poora sach samne nahi aata, investigation rukegi nahi.